Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Íbúagátt Endurvinnslukort

Fundargerdir

Spurningin

Hvað skoðar þú vef Dalabyggðar oft?
4. júlí 2018 12:02

Náttúrubarnahátíð á Ströndum

Náttúrubarnahátíðin verður haldin á Sauðfjársetrinu í Sævangi helgina 13. – 15. júlí.

 

Náttúrubarnaskólinn hefur verið starfrækur síðan sumarið 2015 og er til húsa í Sævangi. Skólinn heldur námskeið fyrir náttúrubörn á öllum aldri þar sem lært er um náttúruna og hvað allt í kring er í raun og veru merkilegt. Einnig hvernig má nýta náttúruna í eitthvað skapandi og skemmtilegt, en um leið hvernig má vernda hana.  

 

Þetta er í annað skipti sem Náttúrubarnahátíð á Ströndum er haldin. Á dagskrá verða allskonar smiðjur, útivist, leikir, sögustundir, tónlist, myndlist, fróðleikur og fjör fyrir alla fjölskylduna. Auðveldar gönguferðir, brúðuleikhús, veðurgaldur, náttúrubarnakviss, tónlistaratriði, Hundur í óskilum, persónur úr Latabæ koma í heimsókn, vindsmiðja, útieldunarsmiðja, brúðusmiðja, leikir, hestar, víkingar, markaður, draugasögur og fleira.

 

 

Aðgangseyrir að hátíðinni í heild verður 3000 kr. en einnig verður hægt að kaupa sig inn á staka daga fyrir 1500 kr.

 

Það er frítt fyrir hátíðargesti að gista í tjaldi á Kirkjubóli sem er rétt hjá Sævangi. Einnig er tjaldsvæði á Hólmavík og ýmsir gististaðir í nágrenninu. Sundlaugin á Hólmavík býður gestum hátíðarinnar sem eru 14 ára og yngri frítt í sund þessa helgi og eldri borga hálft gjald eða 400 kr.