Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Íbúagátt Endurvinnslukort

Spurningin

Hvað skoðar þú vef Dalabyggðar oft?
28. júní 2019 15:02

Tómas, Ómar og Óskar á Laugum

Miðvikudagkvöldið 3. júlí kl. 20:30 verða jazztónleikar á Hótel Eddu á Laugum í Sælingsdal. Þar spila Dalamaðurinn Tómas R. Einarsson kontrabassaleikari, Ómar Guðjónsson gítarleikari og saxófónleikarinn Óskar Guðjónsson.

 

Tómas og Ómar hafa haldið tónleika á Laugum mörg undanfarin sumur og fengið til sín ýmsa gesti, Sigríði Thorlacius, Mugison og í fyrra þýska trommuleikarann Tommy Baldu, en saxófónleikarinn Óskar hefur ekki spilað með þeim á Laugum áður. Óskar og Ómar hafa lengi verið liðsmenn í latínsveit Tómasar og spilað þá tónlist með honum í Noregi, Rússlandi, Rúmeníu, Þýskalandi og Kúbu, svo nokkur lönd séu nefnd.

 

Efnisskráin verður bæði klassísk djasssveifla og latíntónlist, að stórum hluta úr lagasafni Tómasar. Þar á meðal verða ný lög sem hann mun hljóðrita síðsumars.