Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Íbúagátt Endurvinnslukort

Spurningin

Hvað skoðar þú vef Dalabyggðar oft?

Haustfagnaður FSD 2018


 

Haustfagnaður Félags sauðfjárbænda í Dalasýslu (FSD) 2018 verður haldinn dagana 26.-27. október 2018.

 

 

Ljósmyndasamkeppni FSD

FSD mun standa fyrir ljósmyndasamkeppni á haustfagnaði helgina 26.-28. október. Þemað í ár er sauðfjárbúskapur. Skila þarf inn myndum fyrir sunnudaginn 21. október 2018 á netfangið thorunn.th @hotmail.com. Eftir það verða þær allar birtar á facebooksíðu félagsins. 

 

Myndskeið úr lífi sauðfjárbænda í Dölum

Stjórn FSD er að leita eftir skemmtilegum atriðum úr lífi sauðfjárbænda í Dölum. Margir sauðfjárbændur stunda snappmenningu af fullum krafti og luma því vonandi á skemmtilegum myndskeiðum. Engar kröfur eru gerðar um gæði, talsetningu eða vinnslu. Þeir sem luma á skemmtilegum myndskeiðum sem þeir eru tilbúnir að deila með öðrum á haustfagnaði eru beðnir um að senda þau á netfagnið thurranes @gmail.com og þá verður vonandi hægt að sýna smá syrpu á hátíðinnni.

 

 

Föstudagurinn 26. október

Lambhrútasýning - opin fjárhús

Lambhrútasýning fyrir Dalahólf verður á Kjarlaksvöllum í Saurbæ föstudaginn 26. október og hefst kl. 12. Keppt verður í flokkum hyrndra, kollóttra og mislitra/ferhyrndra hrúta.

Reglur lambhrútakeppninnar

Skráning lambhrúta

 

Sviðaveisla - hagyrðingar - dansleikur

Árleg sviðaveisla verður föstudaginn 26. október í Dalabúð kl. 20, húsið opnar kl. 19:30.

 

Nikkólína spilar undir borðhaldinu. Veislustjóri og stjórnandi verður Jón Kristófer Sigmarsson á Hæli.

 

Hagyrðingar verða Helgi Björnsson á Snartarstöðum, Jóhannes Sigfússon á Gunnarsstöðum, Pétur Pétursson á Akureyri og Einar Jón Geirsson í Búðardal.

 

Um dansleikinn sér hljómsveitin Meginstreymi.

 

Miðapantanir eru hjá Jóni Inga í Þurranesi, helst með tölvupósti thurranes @gmail.com eða í síma 867 7286 frá 18. október til og með 24. október.

Aðgangseyrir er 7.000 kr. Hægt er að kaupa aðeins miða á dansleikinn og kostar þá á 2.500 kr. Hægt verður að greiða og sækja pantaða miða á sviðaveisluna í verslun KM þjónustunnar fimmtudaginn 25. október kl 15-17.

 

Laugardagurinn 27. október

Lambhrútasýning -  opin fjárhús

Lambhrútasýning fyrir þann hluta sýslunnar er tilheyrir Vesturlandshólfi verður í Skörðum í Miðdölum laugardaginn 27. október og hefst kl. 10. Keppt verður í flokkum hyrndra, kollóttra og mislitra/ferhyrndra hrúta.

Reglur lambhrútakeppninnar

Skráning lambhrúta

 

Markaður - spuni - hoppukastali - veitingar

Markaðsstemming verður í reiðhöllinni í Búðardal þar sem einstaklingar og fyrirtæki kynna vörur sínar laugardaginn 27. október frá kl. 13.

 

Konur úr héraði verða með sýningu á ullarvinnslu og hægt verður að taka í rokk og kemba.

 

Samtök ungra bænda á Vesturlandi og Vestfjörðum verða með bændaþrautabraut í hléi rúningskeppninnar.

 

Slysavarnadeild Dalasýslu verður með veitingasölu.

 

Hoppukastali fyrir börn verður á svæðinu.

 

Íslandsmeistaramótið í rúningi 2018

Ellefta Íslandsmeistaramótið í rúningi 2018 verður haldið á haustfagnaði FSD laugardaginn 27. október kl. 14 í reiðhöllinni í Búðardal.

 

Skráningar þurfa að berast í síðasta lagi 25. október til Fjólu í síma 695 6576 eða á netfangið kringla @simnet.is.

 

Tvær umferðir eru og er betri umferðin látin gilda. Þrír efstu keppa síðan til úrslita. Úrslit og verðlaunaafhending verða að lokinni keppni.

 

Auk þess verða veitt sérstök verðlaun fyrir best lopaklædda gestinn og háværasta/skemmtilegasta stuðningsmanninn eða hópinn.

 

Íslandsmeistarar í rúningi frá 2008 eru Arnar Arnar Freyr Þorbjarnarson 2017, Hafliði Sævarsson 2011 og 2014-2016, Reynir Þór Jónsson 2013, Jóhann Hólm Ríkarðsson 2012 og Julio Cesar Gutierrez 2008-2010.

 

Grillveisla - verðlaunaafhendingar

Grillveisla verður í Dalabúð laugardaginn 27. október kl. 18. Á matseðlinum er að sjálfsögðu lambakjöt.

 

Niðurstöður lambhrútasýninganna verða kynntar og bestu lambhrútarnir verðlaunaðir.

 

Bestu fimm vetra ær (fæddar 2013) sýslunnar verða verðlaunaðar.

 

Veitt verða verðlaun í ljósmyndasamkeppni FSD.

 

Aðgangseyrir er 2.500 kr, en frítt fyrir börn 14 ára og yngri í fylgd forráðamanna.

 

Stórdansleikur í Dalabúð á miðnætti

Hefðbundinni dagskrá haustfagnaðar lýkur á dansleik með hljómsveitinni Albatross laugardaginn 27. október á miðnætti. Aðgangseyrir er 3.500 kr.

 

FSD - facebook