Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Fræðslunefnd, fundur nr. 81

Dags. 6.9.2017

81. fundur Fræðslunefndar Dalabyggðar haldinn  í stjórnsýsluhúsinu í Búðardal, 6. september 2017 og hófst hann kl. 16:00


Fundinn sátu:
Sigurður Bjarni Gilbertsson formaður, Jóhanna H. Sigurðardóttir, Svavar Magnús Jóhannsson, Unnur Ásta Hilmarsdóttir varamaður, Guðrún Andrea Einarsdóttir áheyrnarfulltrúi, Hlöðver Ingi Gunnarsson skólastjóri og Svana Hrönn Jóhannsdóttir Íþrótta- og tómstundafulltrúi.

 

Fundargerð ritaði:  Sveinn Pálsson, Sveitarstjóri

 

Dagskrá:

 

1.  Auðarskóli - Skólastarf 2017-2018 - 1709008

Hlöðver gerir grein fyrir upphafi skólastarfs.


Alls eru 87 nemendur skráðir í grunnskóladeild, fæstir í 1. bekk eða 5 og flestir í 5. bekk eða 12.


Í leikskóladeild eru 30 börn.

 
Hlöðver gerði grein fyrir samstarfi grunn- og leikskóla og aðgerðaráætlun til að bæta það sem þarf að bæta í Auðarskóla.

 
Haldinn var sameiginlegur endurmenntunardagur á starfsdögum grunnskóla með skólunum á Reykhólum, Hólmavík og Drangsnesi.

 
Starfsmönnum hefur verið kynnt ný viðverustefna og stjórnendur hafa skipt með sér ábyrgð á helstu verkefnum skólaársins.
 


2.  Íþrótta- og tómstundastarf 2017-2018 - 1709007

Svana Hrönn gerir grein fyrir starfi sumarsins og upphafi vetrarstarfs.

 
Ágætlega gekk að ráða þjálfara og keyptur var nýr búnaður t.d. hástökksdýna.

 
Svana vinnur með leikskólabörnum eins og fyrra ár og er með leikfimi á Silfurtúni þrisvar í viku. Starf eldri borgara hefst í byrjun október.


Frá og með upphafi skólaárs fer skólabíll heim á miðvikudögum kl. 16:30 í stað 15:15. Þetta fer vel af stað og eru öll börn í skipulögðu félagsstarfi.


Knattspyrnuæfingar fyrir alla aldurshópa eru að hefjast.

 
Glímuæfingar eru í boði og fyrirhugað er að vera með sundæfingar fyrir yngsta stig.

 
Fræðslunefnd lýsir yfir ánægju með hvernig til hefur tekist með skipulagningu félagsstarfs að loknum skóla og seinkun skólaaksturs.
 


3.  Auðarskóli - Skóladagatöl 2017-2018 - 1704001

Hlöðver gerir grein fyrir smávægilegum breytingum sem fyrirhugaðar eru á skóladagatölum leik- og grunnskóla.


Fræðslunefnd gerir ekki athugasemdir við breytingarnar.
 


4.  Reglur um skólakstur 2017 - 1709005

Á 149. fundi sveitarstjórnar (mál nr. 1705012) var m.a. fjallað um bréf skólabílstjóra þar sem m.a. er hvatt til þess að sveitarstjórn endurmeti aldursmörk leikskólabarna sem mega nýta skólabíla á vegum Dalabyggðar.

 
Sveitarstjórn samþykkti að leikskólabörn frá 12 mánaða aldri geti nýtt skólabíl sé pláss í bílnum. Sveitarstjóra var falið að endurskoða reglur Dalabyggðar um skólaakstur með hliðsjón af þessu og ábendingum skólabílstjóra. Reglurnar verði lagðar fyrir; skólaráð, foreldrafélag og fræðslunefnd til umsagnar.

 

Lögð fram drög að reglum. Reglurnar voru til umfjöllunar á fundi skólaráðs 30. ágúst sl.


Fræðslunefnd samþykkir fyrirliggjandi drög með smávægilegum breytingum.
 


5.  Skólaakstur 2017-2019 - 1705012

Sveitarstjórn staðfesti akstursskipulag byggðarráðs og sveitarstjóra á 150. fundi.

 

Lagt fram til kynningar.
 


6.  Auðarskóli - Starfsmannahald 2017-2018 - 1702025

Hlöðver gerir grein fyrir starfsmannahaldi í byrjun skólaárs.


Starfsmenn grunnskóladeildar eru 21 talsins auk stjórnenda, 6 umsjónarkennarar, 7 almennir kennarar, 1 sérkennslukennari, 3 skólaliðar og 4 stuðningsfulltrúar.


Í leikskóladeild eru 7 starfsmenn.
 


7.  Fundargerð skólaráðs 08-2017 - 1709009

Fundargerð lögð fram til kynningar.
 


8.  Ungmennaráðstefna UMFÍ 2017 - Ályktun - 1704013

Ungmennaráð UMFÍ sendir ályktun ráðstefnunnar Ungt fólk og lýðræði 2017 sem fram fór í apríl 2017.


Ályktun lögð fram til kynningar.
 

 

 

Fleira ekki gert. Fundi slitið kl. 18:20


 



Til baka