Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Umhverfis-og skipulagsnefnd, fundur nr. 97

Dags. 8.10.2019

97. fundur Umhverfis- og skipulagsnefndar Dalabyggðar haldinn  í stjórnsýsluhúsinu í Búðardal, 8. október 2019 og hófst hann kl. 13:00


Fundinn sátu:
Hörður Hjartarson, Ragnheiður Pálsdóttir, Vilhjálmur Arnórsson, Jón Egill Jónsson, Viðar Þór Ólafsson, Kristján Sturluson og Grettir Örn Ásmundarson.

 

Fundargerð ritaði:  Kristján Sturluson, Sveitarstjóri

 

Lagt til að mál 1908003 Hvítidalur lóð 1A - umsókn um byggingarleyfi (almennt mál) verði tekið á dagskrá.


Samþykkt samhljóða.

 

Dagskrá:

 

1. Fjárhagsáætlun 2020-2023 - 1903025

Úr fundargerð 232. fundar byggðarráðs 26.09.2019 (dagskrárliður 4):
1903025 - Fjárhagsáætlun 2020-2023
Byggðarráð vísar drögum að fjárhagsáætlun til viðkomandi nefnda. Nefndir þurfa að skila athugasemdum og ábendingum til byggðarráðs fyrir 20. október. Nefndir hafa það verkefni að finna sparnað í málaflokkum sem nemur 3%.
Samþykkt samhljóða

 

Farið yfir tillögur að fjárhagsáætlun.


Ingibjörg Jóhannsdóttir aðalbókari sat fundinn undir dagskrárlið 1.

 

2. Göngu- og hlaupaleiðir - 1909030

Bréf frá Ingibjörgu Jóhannsdóttur vegna göngu- og hlaupaleiða.

 

Málinu vísað til skipulagsfulltrúa. Unnið verði að því að það að koma gönguleiðum verði hluti af vinnu við aðalskipulag og deiliskipulag.

Samþykkt samhljóða.

 

3. Sólheimar - afgreiðsla athugasemda vegna skipulags- og matslýsingar. - 1902037

Aðalskipulag Dalabyggðar 2004-2016. Skipulags- og matslýsing vegna vindlundar á Sólheimum. Landeigendur á Sólheimum 1 og 2 (landnr. 137586/87) hafa óskað eftir því að gert verði ráð fyrir rúmlega 400 ha svæði, skilgreint sem iðnaðarsvæði til vindorku og einnig ætlað til landbúnaðar. Skipulagslýsingin var sett fram í samræmi við 30. gr. skipulagslaga nr. 123/2010 og unnin í samræmi við grein 4.2. í skipulagsreglugerð nr. 90/2013, með síðari breytingum. Óskað var eftir umsögnum, athugasemdum eða ábendingum fyrir 01.07.2019.

 

Alls bárust 6 umsagnir, m.a. frá Skipulagsstofnun, Umhverfisstofnun og Náttúrufræðistofnun.


Innkomnar umsagnir lagðar fyrir umhverfis- og skipulagsnefnd og verða hafðar til hliðsjónar í skipulagsferlinu sem framundan er.

 

4. Hróðnýjarstaðir - afgreiðsla athugasemda vegna skipulags- og matslýsingar. - 1811005

Aðalskipulag Dalabyggðar 2004-2016. Skipulags- og matslýsing vegna vindlundar á Hróðnýjarstöðum. Landeigendur á Hróðnýjarstöðum (landnr. 137568) hafa óskað eftir að gert verði ráð fyrir rúmlega 400 ha svæði fyrir blandaða landnotkun, iðnaðarsvæði til vindorku og til landbúnaðar. Skipulagslýsingin var sett fram í samræmi við 30. gr. skipulagslaga nr. 123/2010 og unnin í samræmi við grein 4.2. í skipulagsreglugerð nr. 90/2013, með síðari breytingum. Óskað var eftir umsögnum, athugasemdum eða ábendingum fyrir 02.07.2019.

 

Alls bárust 10 umsagnir, m.a. frá Skipulagsstofnun, Umhverfisstofnun, Landgræðslunni og Minjastofnun.


Innkomnar umsagnir lagðar fyrir umhverfis- og skipulagsnefnd og verða hafðar til hliðsjónar í skipulagsferlinu sem framundan er.

 

5. Óveruleg breyting á deiliskipulagi Hvamma - sameining lóða og byggingarreita - 1910005

Hrafnshóll ehf. hefur áhuga að reisa 5 íbúða raðhús í Hvömmunum í Búðardal.

 

Um er að ræða svæði sem nær yfir tvær lóðir, samtals um 1.800 m2, samkvæmt deiliskipulagi sem nú er til afgreiðslu hjá Skipulagsstofnun.

 

Umhverfis- og skipulagsnefnd felur skipulagsfulltrúa að koma óverulegri breytingu á deiliskipulagi Hvamma í grenndarkynningu þegar afgreiðslu deiliskipulagsins sem nú er til skoðunar hjá Skipulagsstofnun er lokið og skipulagið hefur öðlast gildi með auglýsingu í B-deild Stjórnartíðinda.


Samþykkt samhljóða.

 

6. Vatnsaflsvirkjun í Garpsdal - skipulags- og matslýsing - 1910006

Skipulagsfulltrúi Reykhólahrepps óskar eftir umsögn vegna skipulags- og matslýsingar fyrir vatnsaflsvirkjun í Garpsdal í Reykhólahreppi.

 

Umhverfis- og skipulagsnefnd gerir ekki athugasemdir við skipulags- og matslýsinguna en ítrekar að vandað verði til verka á öllum stigum framkvæmdarinnar.


Samþykkt samhljóða.

 

7. Hvítidalur lóð 1A - umsókn um byggingarleyfi - 1908003

Staðfesta þarf nöfn á löndum í Hvítadal þannig að hægt sé að ganga frá stofnun lóðar.

 

Umhverfis- og skipulagsnefnd samþykkir að leggja til við sveitarstjórn að lóðin verði Hvítidalur 1 A lóð A.


Samþykkt samhljóða.

 

 

Fleira ekki gert. Fundi slitið kl. 15:10

 



Til baka