Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Byggðarráð, fundur nr. 239

Dags. 19.12.2019

239. fundur Byggðarráðs Dalabyggðar haldinn  í stjórnsýsluhúsinu í Búðardal, 19. desember 2019 og hófst hann kl. 10:05


Fundinn sátu:
Skúli Hreinn Guðbjörnsson formaður, Þuríður Jóney Sigurðardóttir aðalmaður, Ragnheiður Pálsdóttir varamaður og Kristján Sturluson sveitarstjóri.


Fundargerð ritaði:  Kristján Sturluson, sveitarstjóri

 

Lagt til að eftirtalin mál verði tekin á dagskrá:


1912025 - Kvikmyndin Gósenlandið - íslensk matarhefð og matarsaga. Almennt mál, verði dagskrárliður 6.


1809013 - Laugar í Sælingsdal, staða og framtíð. Almennt mál, verði dagskrárliður 7.


1810008 Frístundasvæði - Ós á Skógarströnd. Almennt mál sem verði dagskrárliður 8.


1911006 - Stofnun húsnæðissjálfseignarstofnunar. Almennt mál sem verði dagskrarliður 9.


1912023 - Starfsemi Skeljungs Vesturbraut 20 Búðardal. Mál til kynningar, verði dagskrárliður 13.


Aðrir dagskrárliðir færist til í samræmi við ofangreint.

Samþykkt samhljóða.

 

Dagskrá:

 

1. Rafmagnsleysi - 1912022

Erindi frá Mjólkursamsölunni og Lyngbrekku vegna rafmagnsleysis lögð fram.

Byggðarráð samþykkir samhljóða eftirfarandi:

 
Það ástand sem skapaðist í óveðrinu í síðustu viku leiddi í ljós alvarlega galla í innviðum samfélagsins. Ljóst er innviðir flutningskerfis raforku brugðust.
Þó að veðurhamurinn væri ekki jafn mikill í Dalabyggð og hjá nágrönnum okkar skapaðist samt ástand sem ekki er boðlegt í nútíma samfélagi.
Vegna bilana í tengivirkinu í Hrútatungu voru miklar truflanir á rafmagni í Dalabyggð. Varaafl er af mjög skornum skammti í Dölunum, og oft er reynt að keyra afl á Skógarstrandalínu, sem er að verða 70 ára gömul sveitalína sem flytur lítið brot af því sem þarf. Varaaflstöðin í Búðardal nær ekki að halda ragmagni á öllu þéttbýlinu og ekki er tryggð nægileg orka fyrir mikilvæga atvinnustarfsemi eins og Mjólkursamlagið í Búðardal sem hefur valdið stórtjóni, bæði núna og á undanförnum árum. Skammta þurfti rafmagn í Búðardal þar sem þurft hefði að láta Dvalar- og hjúkrunarheimilið Silfurtún hafa forgang.
Hluti Dalabyggðar var án rafmagns í 22 tíma sem skapar alvarlegt ástand fyrir mjólkurframleiðendur auk þess sem fjarskipti lágu niðri vegna rafmagnsleysis. Lífsspursmál er að íbúar sveitarfélagsins geti náð í viðbragðsaðila ef alvarleg slys eða veikindi ber að höndum.


Flutningskerfi rafmagns í Dalabyggð er víða orðið gamalt og ljóst er að hefði veðrið orðið verra hefði það ekki þolað álagið. Þetta undirstrikar mikilvægi þess að kraftur sé settur í uppbyggingu þess með því að leggja línur í jörð og þá um leið að tryggja aðgang að þriggja fasa rafmagni.
Við búum í nútíma samfélagi sem reiðir sig á rafmagn og fjarskipti. Stöðug fjarskipti er spurning um almannaöryggi, það öryggi brást. Það er ekki í boði að hafa ekki öruggt fjarskiptasamband, hvernig sem viðrar, sama hvar maður er staddur.


Byggðarráð Dalabyggðar krefst þess að þegar verði hafist handa við að endurbæta flutningskerfi raforku til sveitarfélagsins og dreifikerfið innan þess og ekki síður að koma upp varaafli.

 
Starfsmenn RARIK, Landsnets, sjálfboðaliðar og margir fleiri unnu þrekvirki við að bregðast við því alvarlega ástandi sem skapaðist og eiga miklar þakkir skildar. Innviðirnir brugðust hins vegar.

 

2. Húsnæðismál á landsbyggðinni - Tilraunaverkefni - 1809019

Samkomulag vegna tilraunaverkefnis.

 

Samkomulagið samþykkt samhljóða.

 

3. Samgöngumál - samgönguáætlun - 1810014

Umsögn lögð fram.

 

Samþykkt að senda inn umsögn sem samþykkt var í byggðarráði 28. október sl. og einnig umsögn fræðslunefndar sem samþykkt var á fundi hennar 4. desember sl.

 

4. Styrkbeiðni vegna reksturs Aflsins 2020 - 1912016

Byggðarráð óskar Aflinu velfarnaðar en hafnar erindinu.

 
Samþykkt samhljóða.

 

5. Gjaldskrár - 1903025

Umræða um gjaldskrár íþróttamiðstöðvar Laugum, slökkviliðs og vegna hunda- og kattahalds.

 

Umræða um gjaldskrár. Verður afgreitt á næsta fundi.

 

6. Kvikmyndin Gósenlandið - íslensk matarhefð og matarsaga - 1912025

Sótt er um stuðning frá Dalabyggðar í formi aðgangs að húsnæði fyrir sýningu á heimildarmyndinni "Gósenlandið - íslensk matarhefð og matarsaga".

 

Byggðarráð samþykkir samhljóða að Dalabúð verði lánuð til sýninga á heimildarmyndinni "Gósenlandið - íslensk matarhefð og matarsaga". Ekki verði greidd húsaleiga en ræstingarkostnaður verður innheimtur skv. gjaldskrá. Hafa skal samráð við skólastjóra Auðarskóla um tíma og húsnæðið.

 

7. Laugar í Sælingsdal, staða og framtíð - 1809013

Haft hefur verið samband frá Frón Fasteignamiðlun vegna sölu Lauga.

 

Laugar eru til sölu og öll tilboð sem berast verða skoðuð.

 
Samþykkt samhljóða.

 

8. Frístundasvæði - Ós á Skógarströnd - 1810008

Samþykkt samhljóða að innheimta ekki skipulagsgjöld vegna breytinga á aðal- og deiliskipulagi Óss á Skógarströnd.

 

9. Stofnun húsnæðissjálfseignarstofnunar - 1911006

Bakkahvammur hses er kaupandi að þremur í raðhúsi sem Hrafnshóll ehf. byggir.

 

Dalabyggð er fulltrúi fyrir húsnæðissjálfseignarstofnunina þar til skráningu í fyrirtækjaskrá er lokið og mun greiða reikning vegna jarðvinnu allt að kr. 3.000.000.


Samþykkt samhljóða.

 

10. Fasteignaskattur af veiðihúsi-skúr 2020 í landi Klungurbrekku - 1912018

Lagt fram.

 

Samþykkt

 

11. Niðurfelling Miklagarðsvegar af vegaskrá - 1910001

Tilkynning frá Vegagerðinni um ákvörðun um að fella Miklagarðsveg nr. 5968-01 út af vegaskrá sem þjóðveg.

 

Lagt fram.

 

Samþykkt

 

12. Ráðning verkefnisstjóra atvinnu-, markaðs- og menningarmála - 1911012

Átta umsóknir bárust um starfið og standa viðtöl yfir.

 

Staða máls kynnt. Mun væntanlega skýrast á næstu dögum.

 

Samþykkt

 

13. Starfsemi Skeljungs Vesturbraut 20 Búðardal - 1912023

Heilbrigðiseftirlit Vesturlands hefur beint því til Skeljungs að fjarlægja eldsneytistank við Vesturbraut 20.

 

 

Fleira ekki gert. Fundi slitið kl. 12:20

 

 

 

 

 

 


 



Til baka